მე-2ბ კლასში ბუნების გაკვეთილი -პედაგოგი მზიური გოლეთიანი

   ბუნების ცოდნა და მისი ძალთა დამორჩილება შეადგენს ერთ უმთავრეს ბურჯს ერისა და კაცობრიობის ბედნიერებისა. ბუნების შესწავლას დიდ დრო უნდა ეთმობოდეს ბავშვის განვითარებაში როგორც ოჯახებში, ისე სკოლებში. ბუნების შეცნობა, მის მოვლენებში გარკვევა სულ მცირე ასაკიდან იწყება. ამავე ასაკიდან უნდა შთავუნერგოთ ბავშვებს სიყვარული დედა ბუნებისა, მასზე ზრუნვა და პატრონობა. დაწყებით კლასებშივე უნდა გავარჯკვიოთ მოსწავლეები რა არის მათთვის და ბუნებისთვის კარგი და რაა საზიანო.

   ესთეტიკური აღზრდა ადამიანის ყოველმხრივი განვითარების ორგანული ნაწილია, ყველა სხვა კომპონენტთან მჭიდროდ დაკავშირებული. ესთეტიკური აღზრდის ძირითადი მიზანია ადამიანში ადამიანის აღზრდა, რომელიც გულისხმობს არა ექიმის, პოლიტიკოსის აღზრდას, არამედ ისეთი პიროვნების ჩამოყალიბებას, რომელსაც სამყაროსადმი შემეცნებითი დამიკიდებულება ექნება. ესთეტიკური აღზრდის აუცილებელი ფაქტორია ესთეტიკური გარემოს შექმნა ოჯახსა თუ სკოლაში. სწორედ, ამ თემას მიეძღვნა მე-2² კლასში ბუნების გაკვეთილი პედაგოგ მზიური გოლეთიანის თაოსნობით.  

   ბავშვები რომ დაინტერესდნენ ბუნების სიმშვენიერით ამისათვის მათ უნდა შევუქმნათ ისეთი გარემო, რომ ინტერესით დააკვირდნენ ბუნებაში მიმდინარე პროცესებს.  პედაგოგმა მოსწავლეებს ესაუბრა მცენარინა აგებულებაზე ფესვის, ღეროს , ფოთოლის  თვისებებზე. ყურადღება გაამახვილა თუ რა დანიშნულება აქვს მცენარისათვის თესლს.

 

   მზიური მასწავლებელმა პატარებთან ერთად ქოთანში მოათავსა სხვადასხვა მცენარის თესლი,რათა მომდევნო გაკვეთილებზე მოსწავლეებმა შესძლონ  დაადგინოს ცოცხალი ორგანიზმის ზრდისთვის აუცილებელი პირობები; გამოიმუშავოს მოვლენებზე  დაკვირვების უნარი.

სწავლების ამ საფეხურზე საფუძველი უნდა ჩაეყაროს მოსწავლის მიერ გარემოს პასიური აღქმიდან აქტიურ შემეცნებაზე გადასვლას,  შემოქმედებითი აზროვნებისა და გარემოსადმი სწორი დამოკიდებულების ჩამოყალიბებას. მოსწავლემ უნდა შეძლოს მიღებული ცოდნისა და შეძენილი გამოცდილების ყოველდღიურ ცხოვრებაში გამოყენება.

„მასწავლებელი კალამი"- პედაგოგი ლელა ჟოროლიანი მე-4 ბ კლასი

  მოსწავლეთა მეტყველებისა და წერის  დაბალი კულტურა მრავალგზის დადასტურებული ფაქტია.  მასწავლებლების ყოველდღიურ ცხოვრებაში იგი გადაულახავ სირთულედ არის ქცეული. თუმცა ამ სირთულის დასაძლევად ერთ-ერთი ძალზე ეფექტური  მეთოდია ენობრივი პრაქტიკის მეთოდი, ე.წ. „მასწავლებელი კალამი".

  წერა-კითხვის დაბალანსებული სწავლებისას კარგია ერთობლივი წერა. ენობრივი პრაქტიკა გულისხმობს მოსწავლეთა მიერ შეთხზული ტექსტის თვალსაჩინოდ ჩაწერას და შემდეგ ამ ტექსტზე მუშაობას. ეს მეთოდი ითვალისწინებს ტექსტთან მრავალმხრივ მიბრუნებას და მრავალფეროვანი სავარჯიშოების დაგეგმვასა და შესრულებას. სწორედ, ამ მიზანს ემსახურებოდა მე-4²კლასში პედაგოგ ლელა ჟორჟოლიანის მიერ ჩატარებული გაკვეთილი ქართულ ენასა და ლიტერატურაში.

  მასწავლებელს ჰქონდა მომარაგებული რესურსები: ილუსტრაციიები, ფერადი ფანქრები, წებო, სტიკერები,  სხვადასხვა საჭირო მასალა - მათი გამოყენებიტ მოსწავლეებს ტექსტი უნდა შექმნათ, ჩაეწერათ მათივე ხელით გაკეთებულ წიგნში და გაეფორმებინათ.  

  მასწავლებელმა მუშაობის დაწყებამდე მოსწავლეების შექებას, წახალისებასა და მოტივაციის აღძვრას დიდი ყურადღება დაუთმო, რამაც პატარებში დიდი ინტერესი გამოიწვია. ისინი ხალისითა და დიდი პასუხისმგებლობით ჩაერთვნენ მუშაობის პროცესში.

  თავად მეთოდი იმდენად  საინტერესოა, რომ მოიცავს აზროვნების, მეტყველების, წერისა და კითხვის პროცესებს. ამასთანავე, მეთოდი ძალიან სახალისო გამოდგა მოსწავლეებისათვის. ისინი სიამოვნებით ჩაერთვნენ მუშაობის პროცესში. საინტერესო გამოვიდა  ნაფიქრსა და დაწერილს შორის კავშირის დამყარება, რაც  ტექსტის ძირითადი მახასიათებლების სწორი გააზრების შედეგია.

სწორედ, ეს პროცესი ეხმარებათ მოსწავლეებს წერა-კითხვის კონცეპტუალური საფუძვლების გაცნობიერებაში, კერძოდ, იმისა, რომ რასაც ფიქრობენ, შეიძლება გამოითქვას, რასაც ვამბობთ, შეიძლება დაიწეროს, რასაც ვწერთ, შეიძლება წავიკითხოთ, ანუ მე შემიძლია წავიკითხო ის, რაც დავწერე და აგრეთვე ისიც, რაც სხვამ დაწერა ჩემთვის წასაკითხად. 

გაკვეთილი იყო ძალიან ეფექტური, სახალისო, შინაარსიანი, მოსწავლეთა საჭიროებებზე გათვლილი. ასეთი გაკვეთილები ეხმარება მოსწავლეებს როგორც წერის, კითხვისა და აზროვნების განმტკიცებაში, აგრეთვე საკუთარი თვითრეალიზებასა და მოტივაციაში.  შერჩეული მეთოდი  მიზნის მიღწევის საუკეთესო გზაა.